Чулман

Һөнәри осталык бәйгесе 💪 Бүген КТ предприятиеләрендә эшләүче йөктөягеч йөртүче яшьләр һөнәри осталыкта көч сынашты. “Көрәш” мәйданына 15 ир-егет чыкты. Бәйгенең практика өлешендә алар алдына бормалы (змейка) юлдан покрышкалар урнаштырылган һәм өч катлы итеп өеп куелган аслыклар янына барып, аларны складка күчерү, эш тәмамлаганнан соң, техниканы гаражга кертү бурычы куелды. 🚦Биремне төгәл (юл йөрү, куркынычсызлык техникасы, хезмәтне саклау кагыйдәләрен үтәү) һәм билгеләнгән вакыт кысаларында үтәргә кирәк. Һәр хата – штраф баллы. Конкурсантларның берсе – Алабуга шәһәрендә узган «Алабуга-skills» бәйгесендә өченче урын яулаган Динар Кәрамов. Ул яшь коллегаларын бәйгедә катнашырга чакыра (видеода). 🗓 Җиңүчеләр исемлеге ай азагында игълан ителәчәк. #КАМАTYRES #ҺөнәриОсталыкБәйгесе #Ярыш #Йөктөягечйөртүче

Ял көннәрегез файдалы һәм күңелле узсын! ☀ТР Гидрометеорология үзәге белгечләре фаразыннан күренгәнчә, алдагы ялларда Татарстан төньяк циклонның актив атмосфера фронты йогынтысына дучар була. Шунлыктан, һава торышында сизелерлек үзгәрешләр көтелә. ✅ Шимбә, 8 августта, кыска вакытлы яңгыр. Көндез боз явуы ихтимал. Төнлә +16... +21,  көндез +24...+29 градус, көнчыгыш районнарда +32 градуска кадәр җылы булачак. ✅ Якшәмбе, 9 августта, Татарстанда кыска вакытлы яңгырлар. Температура бераз түбәнәя: төнлә +14...+19 градус, көндез  +22...+27 градус. ✅ Дүшәмбе, 10 августта, урыны белән кыска вакытлы яңгыр, +20….+25 градус җылы булырга мөмкин.